یہ کہنا کافی نہیں کہ آغاز سے لے کر اختتام تک، میں پیراسائیٹ (Parasite) کی گرویدا بنی رہی؛ ٹریکنگ شاٹس کے ساتھ جس انداز سے اِسے فلمایا گیا ہے، وہ مسحور کُن ہے۔ لندن کورئین فلم فیسٹیول کے دوران کتنی ہی کوریائی فلمیں نظر سے گزریں، اور میں اس طرز کی فلموں میں اپنائے جانے والے جن رنگ و آہنگ سے واقف ہوں، پیراسائیٹ ان سبھی سے ذرا ہٹ کر معلوم ہوتی ہے! ایک نرالے طرزِ مزاح پر مبنی پیراسائیٹ، سنسنی خیز بھی ہے، طبقاتی اونچ نیچ کو نمایاں کرتی ہے تو دیگر خاصیتوں کے علاوہ یہ ایک خاندان کی داستان بھی بیان کرتی ہے اور اسی سبب، ممکنہ طور پر یہ ہر طبقۂ عمر کے معیار پر پورا اُتر سکتی ہے۔

پیراسائیٹ واقعی میں سینیما گھروں کی زینت بننے کے لائق ہے تاکہ اس کے متنوع پہلوؤں اور خوبصورت فلم بندی کا حق ادا ہو سکے۔ مزہ کرکرا ہونے سے بچانے کی خاطر، قصہ مختصر یہ کہ، پیراسائیٹ کی کہانی، پارک (Park) خاندان کی، کم (Kim) نامی، ایک بےروزگار خاندان سے ہونے والی ایک ملاقات، اور دونوں کے حالات کے میل نہ کھانے کے سبب مرتب ہونے والے دیرپا اثرات کے گرد گھومتی ہے۔

[...]بوں جُون ہو (Bong Joon-Ho) اندرونی مقام کے موثر استعمال کے ساتھ کمال کی روشنیوں میں فلمائے گئے شاٹس کی مدد سے، ناظرین کی توجہ پانے میں کامیاب رہے ہیں، اور 2 گھنٹے 12 منٹ کے دورانیے پر مشتمل فلم دیکھنے کے بعد، یہ احساس ورطۂ حیرت میں ڈال دیتا ہے کہ زیادہ تر سین پارک فیملی کے گھر کے اندر ہی فلمائے گئے۔ خانگیت کے عام عناصر کو جس پُرکشش انداز میں پیش کیا گیا ہے اس سے بوں جُون ہو کے انداز کی وسعت چھلکتی ہے۔ اس فلم کے مزاج میں ایک دھیما پن ہے، تاہم، آپ کو اس کی خوبصورتی اور اچھوتے پن کا احساس تب ہو گا جب پیراسائیٹ کے محض یک سطحی ہونے کے دعوے کے برعکس آپ اسے تہ در تہ کھُلتا اور احساس اور انہونیوں کی مدد سے سماجی حقیقتوں کو آشکار کرتا ہوا دیکھیں گے۔

اس کی کاسٹ بھی دیکھنے سے تعلق رکھتی ہے، چہرے کے ایک ایک تاثر اور ہر ہر حرکت میں ایک پیغام چھپا ہے، حتیٰ کہ سیڑھیاں چڑھنے، اترنے جیسی غیر اہم حرکات کے پیچھے بھی محرکات ہو سکتے ہیں، جنہیں کیمرے کی آنکھ سے نہایت انفرادیت کے ساتھ اجاگر کیا گیا ہے۔ کیمرے کے غیرمعمولی زاویوں اور یکایک بدلتی موسمی صورتحالوں کے ساتھ جگہ کے باصلاحیت استعمال کی مدد سے، بےچینی کی حدوں کو بھی نہایت تخلیقی انداز سے دِکھایا گیا ہے، جس کی بدولت یہ احساس دوچند ہو جاتا ہے۔ پیراسائیٹ اپنی ہی نوعیت کی ایک فلم ہے، جیسا کہ اس کے اسکور کو دیکھ کر ہی اندازہ ہو رہا ہے، اور مزید یہ کہ فلم میں خام عناصر کا بھی اس پُختگی سے استعمال کیا گیا ہے کہ یہ فلم بندی کا ایک کرشمہ معلوم ہوتا ہے۔ پیراسائیٹ کی ظاہری پراسراریت کی بدولت آپ یقیناً توجہ ہٹا نہیں پائیں گے اور خود کو Twilight Zone اسکول آف فلم میکنگ کا ہی حصہ پائیں گے۔

پائے کے اداکاروں نے اپنے کرداروں میں بلاتردد انداز سے وابستگی پیدا کرتے ہوئے گویا جان ہی ڈال دی ہے۔ جب کیی وُو (Ki-Woo) اور کیی جونگ کِم (Ki-Jeong Kim) پارک فیملی کے گھر کے اندر بطور نجی معلمین کام کر رہے تھے تو انہوں نے اطمینان کے اس درجے، مخفی اختیار کو بطریقِ احسن پیش کرتے ہوئے ان کہی، اور تقریباً ماورائی، معلِّمانہ تکانیک استعمال کر کے بلاشبہ ایک سحر سا قائم کر دیا۔ کیی وُو اور کیی جونگ کِم ہی کی طرح، نہایت آسانی سے، اداکار پارک سُو ڈیم (Park So-Dam) اور چواَے وُو سِک (Choi Woo-Sik) کی اداکاری کی بدولت پیراسائیٹ کی کہانی میں آنے والے موڑ دیکھے بنا رہا نہیں جا سکتا، اور انہوں نے اس قدر مہارت سے اداکاری کے جوہر دِکھائے کہ گویا ناظرین کا دل ہی جیت لیا۔

[...]پیراسائیٹ نہایت ماہرانہ طرز کی فلم بندی کا ایک قابلِ تعریف شاہکار ہے، یہ ایک دیکھنے لائق فلم ہے، اور اسی لئے یہ بات تو طے ہے، کہ میں اسے یو کے (UK) میں عوامی سطح پر ریلیز ہونے کے موقع پر دوبارہ دیکھنا چاہوں گی۔